ئەمڕۆ هەینی دادگای تورکیا بە تۆمەتی بانگەشەکردن بۆ "تیرۆر"، سزای سەڵاحەدین دەمیرتاش هاوسەرۆکی پێشووی هەدەپەی دەرکرد.

میدیاکانی تورکیا بڵاویانکردووەتەوە ئەمڕۆ دادگای تورکیا بڕیاریداوە بە سزادانی سەڵاحەدین دەمیرتاش بە چوار ساڵ و شەش مانگ زیندانی.

دادگا هۆکاری سزادانی دەمیرتاشی بۆ ئەوە گێڕاوەتەوە کە ناوبراو بانگەشەی بۆ پارتی کرێکاران کردووە کە لای تورکیا ڕێکخراوێکی تیرۆرستییە.

دەمیرتاش دوای سزادانی بڕیارەکەی دادگای ڕەتکردەوە و ڕایگەیاند پێویستە دادگایەکی دادپەروەرانەی بکرێت و تانە لە بڕیارەکەی دادگا دەدەن.