یەكێتیی پارێزەرانی ئەوروپا بۆ مافی مرۆڤ لە جیهان رایگەیاند، گۆشەگیریی سەر عەبدوڵا ئۆجەلان و زیندانییانی دیكە بە واتای ئەشكەنجە دێت، دەشڵێت، "دەبێت كۆنسەی ئەوروپا هەنگاوی كرداری بنێت بۆ كۆتایی هێنان بە گۆشەگیری".
یەكێتیی پارێزەرانی ئەوروپا بۆ مافی مرۆڤ و دیموكراتی لە جیهان (ELDH) لە راپۆرتێكدا ئاماژەی بۆ ئەوەكردووە، گۆشەگیركردنی عەبدوڵا ئۆجەلان و زیندانییانی سیاسی پێشێلكردنی یاسا نێودەوڵەتیەكانە و ڕایگەیاندووە"ئەو گۆشەگیرییە كە لەمێژە بەردەوامە بە واتای سزادان و ئەشكەنجەدانە، دەبێت ئۆجەلان ڕێی پێبدرێت چاوی بە پارێزەرەكانی بكەوێت، گۆشەگیری لەسەر هەموو زیندانییان پەیڕەو دەكرێت و چەندین مانگ ناهێڵن چاویان بە خانەوادە و كەسوكاریان بكەوێت".
لە ئێستادا لە باكوری كوردستان مانگرتن لە خواردن دژی گۆشەگیری ئۆجەلان بەڕێوەدەچێت، حكومەتی توركیا لە 27ی تەموزی ساڵی 2011ەوە رێگەیان بە پارێزەرەكانی ئۆجەلان نەداوە سەردانی دورگەی ئیمراڵی بكەن.