ئەمڕۆ پێنجشەممە 11ی نیسانی 2019، بەڕێوەبەرایەتیی گشتیی تەندروستیی كۆیە، لە پۆستێكدا لە پەیجی فەرمیی خۆی، لە تۆڕی كۆمەڵایەتیی فەیسبووك بڵاویكردەوە "ڕۆژی یەكشەممە 14/4/2019، مووچەی وەزارەتی تەندروستی دابەش دەكرێت".

ئەوەش لەكاتێكدایە وا بڕیاربوو ئەمڕۆ پێنجشەممە موچەی وەزارەتی تەندروستی دابەش بكرێت.

هەر ئەمڕۆش ڕێباز حەملان، وەزیری دارایی و ئابووریی حكوومەتی ھەرێمی كوردستان، بە دەنگی ئەمریكای ڕایگەیاندووە "دڵنیایی دەدەمە موچەخۆران مووچە بەردەوام دەبێت، بە تەواوی دەدرێت و بە بێ پاشەكەوت و ھیچ گرفتێك نایەتە پێش، چونكە لەسەرەتای دانانی یاسای بودجە بە شێوازێك داڕێژراوە، كە ئێمە بتوانین مانگانە 30 ڕۆژ جارێك مووچەی فەرمانبەران بە تەواوی و بێ پاشەكەوت بدەین".