سەرۆکوەزرانی عێراق ناوی دوو کەس بۆ هەردوو پۆستی وەزیری پەروەردەو داد رەوانەی ئەنجومەنی نوێنەرانی عێراق دەکات بەمەبەستی خستنە نێو پرۆسەی دەنگدانەوە..

لە نوسراوێکدا کە وێنەیەکی دەست سپی کەوتووە، و واژووی عادل عەبدولمەهدی سەرۆکوەزرانی عێراقی لەسەرە هەریەک لە سفقە حسێن علی الحمدانی بۆ وەزیری پەروەردەو دادوەر ئەرکان قادر وەلی کەریم بەیاتی کە کوردە بۆ پۆستی وەزیری پێشنیار کراون و دراون بە پەرلەمانی عێراق بەمەبەستی دەنگدان بۆ کابینەکەی.

لە بەشێکی دیکەی نوسراوەکەیدا سەرۆکوەزیرانی عێراق ئاماژە بە دواکەوتنی کابینەکەی دەکات و داوا دەکات چیتر بەهۆی دانانی ئەو کاندیدانە پێکهێنانی حکومەتەکەی دوانەکەوێت.

سەبارەت بە پڕکردنەوەی پۆستەکانی وەزارەتی بەرگری و ناوخۆ ئاماژەی بەوە کردوە، لە ماوەیەکەی کەمدا ناوی دوو کەس بۆ ئەو پۆستانە رەوانەی ئەنجومەنی نوێنەران دەکات بۆ دەنگدان و تەواوکردنی پێکهاتەی کابینەکەی..