وه‌زاره‌تی گه‌نجینه‌ی ئه‌مه‌ریكا سه‌پاندنی سزای به‌سه‌ر محه‌مه‌د جه‌واد زه‌ریف، وه‌زیری ده‌ره‌وه‌ی ئێران رایگه‌یاند.
له به‌یاننامه‌یه‌كی وه‌زاره‌تی گه‌نجینه‌ی ئه‌مه‌ریكادا ئاماژه به‌وه دراوه، ناوی محه‌مه‌د جه‌واد زه‌ریف، وه‌زیری ده‌ره‌وه‌ی ئێرانیان خستووه‌ته لیستی سزادراوه بیانییه تایبه‌ته‌كان.
پێشتر ستیف منوشن، وه‌زیری گه‌نجینه‌ی ئه‌مه‌ریكا رایگه‌یاندبوو، وه‌ك وه‌ڵامدانه‌وه‌یه‌ك بۆ خستنه‌خواره‌وه‌ی فڕۆكه‌یه‌كی بێفڕۆكه‌وانی ئه‌مه‌ریكی له‌لایه‌ن هێزه‌كانی ئێرانه‌وه له ناوچه‌ی گه‌رووی هورمز، وڵاته‌كه‌ی زه‌ریف ده‌خاته لیستی سزادراوان.