ڕێکخراوی هەنگاو بۆ مافەکانی مرۆڤ رایگەیاند، لەماوەی مانگێكدا 20 كۆڵبەری ئێرانی كوژراون و برینداربون.
بەپێی راپۆرتی رێكخراوی هه‌نگاو بۆ مافه‌كانی مرۆڤ تیایدا هاتووه: شەوی چوارشەممە 21ی ئابی 2019، کۆڵبەرێکی خەڵکی شنۆ بە ناوی ناسر نووری، بە تەقەی هێزە چەکدارەکانی حکومەتی ئێران بریندار کراوە.
ئەو کۆڵبەرە لە بەرزاییەکانی کێلەشین کراوەتە ئامانج و بە مەبەستی چارەسەریی پزیشکی رەوانەی ناوەندە دەرمانییەکانی شاری نەغەدە کراوە.
رێكخراوەكە ئاماژەی بەوەشكردوە كە لەماوەی ئەم مانگەدا پێنج كۆڵبەر بە تەقەی راستەوخۆی هێزە چەكدارەكانی ئێران كوژراون و 15 كۆڵبەری دیكەش برینداربون.