وەزیری تەندروستی عێراق دەستی لە کارکێشایەوە

وەزیری تەندروستی و ژینگەی عێراق، عەلائەدین عەلوان رۆژی پێج شەممە ١٢ ی ئەیلول دەستلەکارکێشانەوەی خۆی لە رێگای نامەیەکەوە ئاراستەی سەرۆک وەزیران کردووە.  

لە نامەکەدا کە کۆپیەکی دەست سپی کەوتووە، سوپاسی سەرۆک وەزیران دەکات و کە بڕواو متمانەیەی پێی هەبووە، هەروەها سوپاسی سەرۆکی عێراق و سەرۆکی پەرلەمان دەکات.

لە بڕگەی کۆتایی نامەکەی وەزیردا باس لەو هەڵمەتە راگەیاندنە دەکات کە دەکرێتە سەر وەزارەتەکەیان و ئەو بێزار کردن و رێگریانەی کە بۆ کارەکانیان دروستکرا کە بۆتە لەمپەڕ لەبەردەم ریفۆرم لە وەزارەتەکەدا.

د.عەلائەدین عەلوان لە دوابڕگەی نامەی دەستلەکارکێشانەوەکەیدا دەڵێت" من لە کەشێکی ئاوادا گەیشتوومەتە ئەو بڕاوایەی ناتوانم کاربکەم".




ئه‌م بابه‌ته ‌828 جار خوێنراوه‌ته‌وه‌‌

AM:10:47:15/09/2019