ولایەتە یەکگرتوەکانی ئەمریکا بڕیاریدا هێزێکی 500 سەربازی رەوانەی باکووری رۆژئاوای سووریا بکات، ئەوەش دوای کشانەوەی بەشێکی زۆری سەربازانی ئەو وڵاتە دێت لە سوریاوە بەرەو عێراق.

رۆژنامەی وۆڵستریت جۆرناڵ و چەند مردایک دیکەی ئەمریکی بڵاویانکردەوە ئەمریکا بەنیازە 500 سەربازەکەی لە باکوور و رۆژهەڵاتی سووریا بە چەکی قورس و تانکەوە بهێڵێتەوە.

سەرچاوە سەربازییەکانی ئەو وڵاتە ئاماژەیان بۆ ئەوەکردووە "ناردنی ئەو سەربازانە، بۆ پاراستنی ئاسایشی بیرە نەوتەکان و رێگرتنە لە زیادبوونی هەژموونی رووسیا لەناوچەکە و کۆتاییهێنانە بە پێشێلکارییەکانی تورکیا و زیندوبوونەوەی داعش".

هاوکات رۆژنامەی نیۆیۆرک تایمز بڵاویکردووەتەوە، ناردنی هێزەکەی ئەمریکا بۆ کۆتاییهێنانە بە شەڕ لەناوچەکە کە پێیوایە بەهۆی بڕیاری سەرۆکی ئەمریکاوە ئێستا لە باکور و رۆژهەڵاتی سوریا هەڵگیرساوە

ناردنی ئەو هێزەی ئەمریکا بۆ رۆژهەڵاتی سووریا لەکاتێکدایە، لە چەند رۆژی رابردوودا دوایین کاروانی هێزەکانی ئەمریکا لەسووریا کشانەوەو هاتنە ناو خاکی عێراقەوە.