ئەمڕۆ پێنج شەممە ١٤ی تشرینی دووەم بەڕێوەبەرایەتی ئاسایشی سلێمانی سەبارەت بە دەستگیرکردنی هەشت تیرۆرست ڕاگەیەندراوێکی بڵاوکردەوە.

لە ڕاگەیەندراوەکەی ئاسایشی سلێمانی هاتووە" لە درێژەى کارو چالاکیەکانى بەڕێوەبەرایەتى ئاسایشى پارێزگاى سلێمانى ، بەمەبەستى پاراستنى سەروماڵ و کەرامەتى هاوڵاتیان، هێزەکانمان توانیان  لە ماوەى ڕابردودا لەچەندین چالاکیدا چەند تێرۆریستێک  بەفەرمانى داوەرى لێکۆڵینەوەى ئاسایشى سلێمانى  دەستگیربکەن، دواى لێکۆڵینەوە لە گەڵیاندا و بە پێى بوونى بەڵگەى تەواو و دانپێدانانى تاوانباران، دواتر ڕەوانەکردنى کەیسەکانیان بۆ دادگاى تاوانەکانى سلێمانى /2 ، سزادران بە زیندانیکردن".

بەڕێوەبەرایەتی ئاسایشی پارێزگای سلێمانی ڕوونیکردۆتەوە کە سزادانەکە بەم شێوەی لای خوارەوەیە:

1- (ج ، م ، ح ) ڕەگەزى ( نێر ) لەنەتەوەى عەرەب ، پیشەى یاریدەدەرى پزیشک ، خەڵکى  حەویجە  ،  تۆمەتبارە  بە (ئەندام بوونى لە ڕٍێکخراوى تیرۆرستى داعش  و پلەى  بەرزکراوەتەوە بۆ جێگرى بەڕێوەبەرى نەخۆشخانەى حەویجە لەسەردەمى دەسەڵاتى داعش لەو شارۆچکەیەدا ) ، بەپێی ماددەى ( 2 ) لەیاساى بەرەنگاربونەوەى تێرۆر  ، سزادرا بۆ ماوەى (6) ساڵ زیندانى .

2- (م ، ن ، ج ) ڕەگەزى ( نێر ) لە نەتەوەى عەرەب ، پیشەى کاسب ، خەڵکى  ڕەشاد  ، تۆمەتبارە بە ( ئەندام بوونى لە ڕٍێکخراوى تیرۆرستى داعش  و پلەى  موفتى و ووتارخوێنى مزگەوتى ناحیەى ڕەشاد بووە لە شارۆچکەى حەویجە و لێپرسراوى دابەشکردنى سوتەمەنى بووە لە ناوچەکەدا ،   لەسەردەمى دەسەڵاتى داعش ) ، بەپێی ماددەى ( 2 ) لەیاساى بەرەنگاربونەوەى تێرۆر  ، سزادرا بۆ ماوەى (10) ساڵ زیندانى.

3- (ح ، ت ، ن ) ڕەگەزى ( نێر ) لە نەتەوەى عەرەب ، پیشەى کاسب ، خەڵکى  حەویجە  ، تۆمەتبارە بە ( ئەندام بوونى لە ڕێکخراوى تیرۆرستى داعش  و پلەى  نوێنەرى خەلافەت بووە  بۆ داواکردن لە خەڵک بۆ بەیعەتدان بە داعش، لەسەردەمى دەسەڵاتى داعش ) ، بەپێی ماددەى ( 2 ) لەیاساى بەرەنگاربونەوەى تێرۆر  ، سزادرا بۆ ماوەى (7) ساڵ زیندانى.

4- (ڕ ، خ ، ڕ ) ڕەگەزى ( نێر ) لە نەتەوەى عەرەب ، پیشەى کاسب ، خەڵکى  شارى موسل، تۆمەتبارە بە ( ئەندام بوونى لە ڕێکخراوى تیرۆرستى داعش  و بۆتە پاساوانى بارەگاکانى داعش لە  سامەرا و بێجى و وڵاتى سوریا ،لەسەردەمى دەسەڵاتى داعش ) ، بەپێی ماددەى ( 2 ) لەیاساى بەرەنگاربونەوەى تێرۆر  ، سزادرا بۆ ماوەى (8) ساڵ زیندانى.

5- (ع ، ج ، م ) ڕەگەزى ( نێر ) لە نەتەوەى عەرەب ، پیشەى کاسب ، خەڵکى  بغداد  ، تۆمەتبارە بە ( ئەندام بوونى لە ڕێکخراوى تیرۆرستى داعش  و شەش کردەوەى تێرۆرستى ئەنجامداوە دژى هێزە عێراقیەکان و بەبریندارى هەڵهاتوە بۆ هەرێمى کوردستان لەسەردەمى دەسەڵاتى داعش ) ، بەپێی ماددەى ( 2 ) لەیاساى بەرەنگاربونەوەى تێرۆر  ، سزادرا بۆ ماوەى (10) ساڵ زیندانى.

6- (ع ، ح ، ع ) ڕەگەزى ( نێر ) لە نەتەوەى عەرەب ، پیشەى کاسب ، خەڵکى ناوچەى قائم  ، تۆمەتبارە بە ( ئەندام بوونى لە ڕێکخراوى تیرۆرستى داعش  و پاسەوانى مزگەوتى گەورەى (حێیبە ) بووە  دواتر چۆتە ووڵاتى سوریا و پاشان بەقاچاخ هاتۆتە ناو هەرێمى کوردستان) ، بەپێی ماددەى ( 2 ) لەیاساى بەرەنگاربونەوەى تێرۆر، سزادرا بۆ ماوەى (10) ساڵ زیندانى.

7- (ف ، م ، ح ) ڕەگەزى ( نێر ) لە نەتەوەى عەرەب ، پیشەى کاسب ، خەڵکى  بغداد  ، تۆمەتبارە بە ( ئەندام بوونى لە ڕێکخراوى تیرۆرستى داعش  پاسەوان بووە لە سەرشەقامەکان و بارەگاکانى ڕێکخراوى داعش،   لەسەردەمى دەسەڵاتى داعش دا ) ، بەپێی ماددەى ( 2 ) لەیاساى بەرەنگاربونەوەى تێرۆر  ، سزادرا  بۆ  ماوەى (5) ساڵ و ( 1 ) مانگ زیندانى. 

( نێر ) لە نەتەوەى عەرەب ، پیشەى کاسب ، خەڵکى  شارۆچکەى حدیسە   ، تۆمەتبارە بە ( ئەندام بوونى لە ڕێکخراوى تیرۆرستى داعش  و بەبنەماڵە لە ڕێکخراوى داعشدا بوون برازاى گەورە تیرۆرست  ئەبو عمر بەغداداى یە ، کارمەندى بەشى پۆلیسى ئیسلامى بووە ، بەربۆردومانى فڕۆکە جەنگیەکان کەوتوە بە سەختى بریندار بووە بۆ چارەسەر براوەت شارى موسلڕ دواى چاکبونەوە ڕۆشتۆتە وڵاتى سوریا دواتر بەقاچاخ هاتۆتە هەرێمى کوردستان   ) ، بەپێی ماددەى ( 2 ) لەیاساى بەرەنگاربونەوەى تێرۆر  ، سزادرا بۆ ماوەى (5) ساڵ و ( 1 ) مانگ  زیندانى.