مەسرور بارزانی: ئەم هێرشە نیشانی دەدات کە داعش هێشتا بە تەواوی تێکنەشکێنراوە

ئەمڕۆ شەممە ٣٠ی تشرینی دووەمی ٢٠١٩ مەسرور بارزانی، سەرۆكی حكومەتی هەرێمی كودرستان پەیامێكی لە بارەی هێرشەكەی داعش بۆ سەر كوڵەجۆ كە بەرپرسی ئاسایشی ناحیەكە و دوو لە ئەندامانی ئاسایش شەهید بوون بڵاو كردەوە و دەڵێت" هێرشەكەی تیرۆریستانی داعش، نیشانی دەدات كە ئەم ڕێكخراوە تیرۆریستییە هێشتا بە تەواوی تێكنەشكێنراوە".

 

دەقی راگەیێندراوەکە

 
بەداخەوە دوێنی شەو لە ئەنجامی هێرشی تیرۆریستانی داعش بۆ سەر شارۆچکەی کوڵەجۆی سەر بە کفری ، بەڕێوەبەر و دوو کارمەندی ئاسایش شەهیدبوون و چەند کارمەندێکیش بریندار بوون.

 
پرسە و سەرەخۆشی لە کەسوکاری شەهیدەکان دەکەم و هیوادارم خوای مەزن بە بەهەشتیان شاد بکات و هیوای چاکبوونەوەش بۆ بریندارەکان دەخوازم . 

 
ئەم هێرشەی تیرۆریستانی داعش، نیشانی دەدات کە ئەم رێکخراوە تیرۆریستییە هێشتا بە تەواوی تێکنەشکێنراوە و، ئێمەش لەمبارەوە چەندین جار هوشداریمان داوە. بۆیە پێویستە کۆمەڵگەی نێودەوڵەتی لە هاوکاریکردنی هەرێمی کوردستان و عێراق بەردەوام بێت بۆ رووبەڕووبوونەوەی داعش و ، کارکردن لە پێناو نەهێشتنی ئەو هۆکارانەی دەبنە هۆی سەرهەڵدان و چالاکبوونەوەی رێکخراوە تیرۆریستییەکان.
 
مەسرور بارزانی 

سەرۆکی حکومەتی هەرێمی کوردستان 

2019/11/30

 


ئه‌م بابه‌ته ‌366 جار خوێنراوه‌ته‌وه‌‌

PM:02:16:30/11/2019