ئاسایشی پارێزگای سلێمانی دەستگیرکردنی دوو ساختەکاری راگەیاند کە زیاتر لە هەشت ملیۆن دیناریان ساختەکردووە.
بەڕێوەبەرایەتی ئاسایشی سلێمانی لە راگەیەنراوێكیدا رایگەیاند" لەدرێژەی كارو چالاكیەكانماندا بەمەبەستی پاراستنی سەرو ماڵی هاوڵاتیان و نەهێشتنی هەموو جۆرە دیاردەیەكی دزێوو دەستبڕین و بنبڕكردنی دراوی ساختە، هێزەكانمان بەفەرمانی دادوەری لێكۆڵینەوە و بەپێی ماددەی ٢٨١ لە یاسای سزادانی عیراقی، توانیان رۆژی ٤ی شوبات، لە شاری سلێمانی دوو كەس دەستگیر بكەن".
روونشیكردوەتەوە: دەستگیركراوەكان ناویان (ا.ڕ.ع) و (هـ.ا.م)ە كە بڕی ههشت ملیۆن و ٩٠٨ هەزار دیناری عیراقی تەزویریان پێبووە و لەدوای لێكۆڵینەوە دانیان بەوەدانا كە بەشێكی پارەكەیان لەسۆپەرماركێت و بهنزینخانەكاندا جەرخكردوە.
ئاسایشی سلێمانی دەشڵێت" دەستگیركراوەكان بەنیاز بوون ئەو بڕەی پارەییەی كە ماوە لەشاری سلێمانی ساغی بكەنەوە، سەیارەیەكی هۆندایان لە جۆری ئەكسێنتی رەنگ سپیان پێبووەو لێكۆڵینەوە لەگەڵیان بەردەوامە".