نرخى نەوت زیاتر بەرزبوویەوە

‌

ئەمڕۆ شەممە ٢٥ی نیسانی ٢٠٢٠ بە پێچەوانەی دوێنێ نرخی نەوت لە بازاڕەکانی جیهاندا بەشێوەیەکی بەرچاو بەرزبوەوە و  له‌ سەرو ٢٢ دۆلاره‌وه‌ مامه‌ڵه‌ی پێوه‌ده‌كرێت.

بەپێی ئاژانسی هەواڵی رۆیتەرز، ئەمڕۆ نرخی بەرمیلێك نەوتی برێنت بە ٢٢ دۆلارو ٢٠ سەنت لە بازاڕەکانی جیهان مامەڵەی پێوەکراوە، هاوکات نرخی بەرمیلێک نەوتی خاوی ئەمریکیش، بە ١٧ دۆلارو ٧٠ سەنت مامەڵەی پێوەکرا.

ئەمە لەکاتیکدایە  لە چەند رۆژی رابردوودا بەهۆی بڵاوبوونەوەی ڤایرۆسی کۆرۆنا و کەمبوونەوەی خواستی جیهانی لەسەر نەوت، نرخی نەوتی خاوی ئەمریکا بەشێوەیەکی بەرچاو ڕووی لە دابەزین کرد و لە٧٠%ی بەهاکەی لە دەستدا و بەشێوەیەک نرخی بەرمیلێک نەوتی خاوی ئەو وڵاتە گەیشتە شەش دۆلار.

دواى ئەو هەرسهینانەى نرخى نەوت، حکومەتى کوەیت وەک یەکێک لەبەرهەمهێنەرەکانی نەوت رایگەیاند، دەستدەکات بەکەمکردنەوەی بڕی هەناردەکردنی نەوت، بەو هۆیەوە لە ئیستادا نرخی نەوتی خاو لەبازاڕەکانی جیهاندا بەڕێژەی لەسەدا ٢.٨ بەرزبوەوە.
 


AM:09:03:25/04/2020








ئەستێرەکان

Spee Media