٤٥ کەرەنتینەکراوی کەرکوک نەخۆشخانەیان بە جێهێشت

‌


لە راگەیەندراوێکدا تەندروستی کەرکوک، ئاماژە بۆ ئەوە دەکات ئەو عومره‌كارانه‌ی شاری كه‌ركووك كه‌ به‌ر له‌ ماوه‌یه‌ك له‌ سعوودیه‌ گه‌ڕابوونه‌وه، دوای مانەوەیان بۆ ماوەی (١٤) ڕۆژ له‌ كه‌ره‌نتین، ئه‌مڕۆ نه‌خۆشخانه‌یان جێهێشت.


به‌ڕێوه‌به‌ری فه‌رمانگه‌ی ته‌ندروستیی كه‌ركووك، زیاد خه‌ڵه‌ف جبووری، له‌ راگه‌یه‌ندراوێكدا رایگه‌یاند " سەرجەم ئه‌و عومره‌كارانه‌ خەڵکی کەرکووكن و دوای گەڕانەوەیان له‌ سعوودیه‌، لە نەخۆشخانەی "كه‌ی وه‌ن" کەرەنتین کرابوون".


زیاد خه‌ڵه‌ف جبووری وتیش " دوای گه‌ڕانه‌وه‌ی ئه‌نجامی پشكنینی دووه‌می ئه‌و عومره‌كارانه‌ له‌ به‌غدا، دەرکەوت هیچ کەسێکیان هەڵگری ڤایرۆسی کۆرونا نین، بۆیه‌ بڕیار درا ره‌وانه‌ی ماڵه‌وه‌ بكرێنه‌وه"‌.
 


PM:08:19:26/04/2020








ئەستێرەکان

Spee Media