دوای ئه‌وه‌ی په‌رله‌مانتارێكی فراكسیۆنی یه‌كێتی رایگه‌یاند، كه زانیارییان هه‌یه شه‌ش ملیار یۆرۆ له هه‌رێمی كوردستانه‌وه برابێته ده‌ره‌وه‌ی وڵات، كۆمپانیای ئابور لاند ره‌تیده‌كاته‌وه و رایده‌گه‌یه‌نێت" كڵێشەو مۆری كۆمپانیاكە بەشێوەی ئەلكترۆنی بەكارهاتووە و ساخته‌كراوه".
لەو روونكردنەوەیەکدا کۆمپانیای ئابور لاند ئاماژەی بەوەکردووە" سەرجەم ئەو هەواڵانەی بڵاوكراونەتەوە ساختەن و دوورن لە راستی و كڵێشە و مۆری كۆمپانیاكەمان بەشێوەی ئەلكترۆنی بەكار هاتووە، سەرجەم ئەو نوسراوانە رەتدەكەینەوە".
كۆمپانیاكە داواش دەكات داواكاری گشتی و چاودێری دارایی لەسەر ئەو بابەتە بێنە دەنگ و راستی بابەتەكە رونبكەنەوە.