روسیا کارئاسانی هاوڵاتیانی وڵاتانی تر دەکات بۆ وەرگرتنی رەگەزنامەی وڵاتەکەی

‌
حکومەتی روسیا کارئاسانی زیاتر بۆ پێدانی رەگەزنامەی وڵاتەکەی دەکات، تەنها لە ئەمساڵیشدا زیاتر لە ٢١٥ هەزار کەس رەگەزنامەی ئەو وڵاتەیان بەدەستهێناوە.


ئاژانسی روسیا تودەی لە هەواڵێکدا بڵاویکردەوە " ژمارەی ئەو کەسانەی لە چوار مانگی سەرەتای ئەمساڵدا رەگەزنامەی روسییان وەرگرتوە بۆ سێ هێندەی ساڵی رابردو بەرزبوەتەوە، ئەوەش بەهۆی کارئاسانی حکومەتی ئەو وڵاتەیە بۆ پێدانی رەگەزنامە بەو کەسانەی خوازیارن ببنە هاوڵاتی روسیا".


ئەو ئاژانسە رووسیە باس لەوەش دەکات، بەپێی ئەو بەڵگەنامانەی حکومەتی مۆسکۆ لەمانگی یەکی ئەمساڵەوە تا مانگی چوار؛ زیاتر لە ٢١٥هەزار رەگەزنامە بەو کەسانەدراوە کە لە وڵاتانی دیکەوە چونەتە روسیا و داوای رەگەزنامەیان کردوە.


ساڵی رابردووتەنها ٨٥  هەزار هاوڵاتی وڵاتانی تر رەگەزنامەی روسیایان پێدراوە.


زیادبوونی رێژەی پێدانی رەگەزنامەی وەک ئەو وڵاتە ئاماژەی بۆ دەکات هۆکاری جۆراوجۆریە لەپێش هەمووشیانەوە، زیادبوونی ڕێژەی دانیشتوانی بەپێی پێویستی وڵاتەکە نییە و کەمترە.


پێدانی ئەو ژمارە زۆرەی رەگەزنامە لەلایەن حکومەتی روسیاوە لەکاتێکدایە، لە (24)ی نیسانی ئەمساڵدا فلادیمێر پوتین سەرۆکی ئەو وڵاتە، واژۆی لەسەر یاسای پێدانی رەگەزنامەی روسی کرد بەبێ ئەوەی کەسی خوازیار ناچار بێت دەستبەرداری رەگەزنامەی وڵاتەکەی خۆی بێت، ئەوەش وایکرد، ژماریەکی زۆر لە خەڵکی وڵاتانی دیکە داواکاری بۆ وەرگرتنی رەگەزنامەی روسی پێشکەش بکەن.
 


PM:02:32:15/05/2020








ئەستێرەکان

Spee Media