وەزارەتی تەندروستی هەرێم رایگەیاند" نۆ تووشبووی دیکەی کۆرۆنا لە سلێمانی تۆمارکرا".
کەمێک پێش ئێستا وەزارەتی تەندروستی حکومەتی هەرێمی کوردستان لە ڕاگەیەندراوێکدا ئاشکرایکرد" لە بەردەوامی پشکنینەکان و گەڕان بەدوای گومانلێکراوان، نۆ تووشبووی دیکەی ڤایرۆسی کۆڕۆنای نوێ COVID-19 لە پارێزگای سلێمانی دەستنیشانکران".
لەبارەی تووشبووەکان تەندروستی هەرێم دەڵێت" تووشبووەکان بریتین لە پێنج پیاو و دوو ئافرەت و کچ و کوڕێکی گەنج، یەکێکیان لە گەشتی دەرەوەی وڵات گەڕاوەتەوە و شەش لەوان بەرکەوتووی تووشبووانی ڕۆژانی پێشوون و دوو تووشبووی دیکەی نوێ نیشانەکانی نەخۆشیەکەیان هەیە".
وەزارەتی تەندروستی راشیگەیاند" هەشت لە تووشبووەکان دانیشتووی شاری سلێمانین و توشبووەکەی تر دانیشتووی ناحیەی بازیانە".
ئەوە لەکاتێکدایە ئێوارەی ئەمڕۆ وەزارەتی تەندروستی ڕایگەیاند" لە ٢٤ کاتژمێری ڕابردوو هیچ توشبوویەک تۆمارنەکراوە".
بەپێی ئامارەکانی تەندروستی هەرێم لە ئێستادا ٢٥ نەخۆش لە نەخۆشخانەکاندا هەن.