عه‌دنان ده‌رجال ژماره‌یه‌ك ئه‌ندازیار ئاراسته‌ی ده‌سته‌ی ده‌ستپاكی ده‌كات
عه‌دنان ده‌رجال وه‌زیری لاوان و وه‌رزشی عێراق بریاریدا به ئاراسته‌ی كردن ژماره‌یه‌ك ئه‌ندازیاری وه‌زاره‌ته‌كه بۆ ده‌سته‌ی ده‌ستپاكی به هۆی تۆمه‌تی گه‌نده‌ڵی.
سه‌رچاوه‌یه‌ك له وه‌زاره‌تی لاوان و وه‌رزش له لێدوانێكی رۆژنامه‌وانیدا ووتی :" ژماره‌یه‌ك له ئه‌ندازیارانی فه‌رمانگه‌ی ئه‌ندازیاری له وه‌زاره‌تی لاوان و وه‌رزش ، گوومانی بوونی گه‌نده‌ڵیان له سه‌ر بوو له میانه‌ی وه‌رگرتنی ژماره‌یه‌ك پرۆژه‌ی سه‌ر به وه‌زاره‌ت " .
سه‌رچاوه‌كه كه نه‌یویست ناوی ئاشكرابكرێت روونیكرده‌وه كه " عه‌دنان ده‌رجال وه‌زیری لاوان و وه‌رزش ، خودی خۆی به‌دواداچوونی بۆ بابه‌ته‌كه كرد و بریاریدا ئاراسته‌ی ده‌سته‌ی ده‌ستپاكیان بكات به تۆمه‌تی گه‌نده‌ڵی ".
PM:08:06:14/09/2020