" هەزار و ٢٠٠ کەس بەپلەی تایبەت خانەنشینکرابوون بڕیاری راگرتنی مووچەکانیان درا"

‌


پەرلەمانتاری گۆڕان، عەلی حەمە ساڵح دەڵێت " لە ڕۆژانی پێشتردا زیاتر لە ھەزارو دووسەش کەس بە پلەی باڵا و تایبەت بە نایاسایی خانەنشینکرابوون، دۆسیەکانیان جیاکرایەوە و بڕیاری ڕاگرتنی موچەکانیان درا، کە بەشێکیان شەش ملیۆن دیناریان وەردەگرت".


لە نووسینێکدا بەناونیشانی " خانەنشینی دەرگای گەورەی گەندەڵی " عەلی حەمە ساڵح پەرلەمانتاری گۆڕان لە تۆڕی کۆمەڵایەتی فەیسبووک بڵاویکردۆتەوە " نزیکەی ٢١٧ ھەزار خانەنشین لە کوردستاندا ھەیە، بە ھەزاران کەس لەم ژمارەیە بەنایاسایی خانەنشینکراون، واتە: بەبێ ئەوەی خزمەتی فعلیان ھەبێت خانەنشینکراون".



ئەو زانیاری زیاتر بڵاودەکاتەوەو دەڵێت " کاری نایاسایی گەورە لە خانەنشینی سەربازیدا کراوەو نزیکە ١١٧ ھەزار خانەنشینی سەربازی ھەیە، بە ھەزاران کەس بە ناڕەوا بەپلەی جۆراو جۆری سەربازی خانەنشینکراون؛ بەبێ ئەوەی ساڵێ خزمەتی پێشمەرگایەتیان ھەبێت، پێویستە لە زووترین کاتدا دۆسیەی ئەمانەش یەکلابکرێتەوە بەپێی یاسا."


لە کۆتاییدا نووسیوویەتی " فەرمانبەرو خانەنشینی فعلی، قوربانی ئەم گەندەڵی و کارە ناڕەوایانە.. بە چاکسازی لە لیستی موچەو خاڵی سنوری و دۆسیەی نەوت، گرفتی موچە چارەسەر دەبێ".
 


PM:01:56:19/10/2020








ئەستێرەکان

Spee Media