رێكخهری ژوری رۆژنامهوانی بزوتنهوهی گۆڕان رایدهگهیهنێت" لەڕووی تەکنیکییەوە وەزارەتی دارایی هەرێم و بەغدا رێککەوتوون، بەڵام ئەم قۆناغە پێویستی بە سەردانی شاندی باڵای سیاسی هەیە".
دلێر عەبدولخالق رێکخەری ژوری رۆژنامەوانی بزوتنەوەی گۆڕان لە کۆنگرەیەکی رۆژانامەوانیدا رایگەیاند" جڤاتی نیشتیمانی گۆڕان كۆبوهوه و یهكێك له تهوهرهكان دۆخی ژیانی خهڵك و خۆپیشاندانی شار و شارۆچكهكانی ههرێمی كوردستان، وهكو چۆن له راگهیهندراوی پێشوش جهختمان لێكردهوه، ئێمه پشتیوانی له خۆپیشاندان و دهربڕینی ناڕهزایی خهڵك بهشێوهی مهدهنی دهكهینهوه و لهگهڵ داخوازیه رهواكانیانداین".
رێكخهری ژوری رۆژنامهوانی بزووتنهوهی گۆڕان راشیگەیاند" زەمینەسازی کراوە بۆ ئەنجامدانی کۆبوونەوە سێ قۆڵی پارتی و یەکێتی و گۆڕان، ئەگەر هەیە لەم هەفتەیەدا یان لە سەرەتایی هەفتەی داهاتوودا کۆبوونەوەکە ئەنجامبدرێت".
ئەوەشی خستەڕوو، لەڕوی تەكنیكییەوە هەردوو وەزارەتی دارایی حكومەتی عێراق و حكومەتی هەرێم رێككەوتون و ئەوەی دەمێنێتەوە پەیوەندی بە هەندێك رێكاری كارگێڕییە لە ئەنجومەنی وەزیرانەوە كە پێویستە ئەم رێككەوتنە ببێتە دەقێك و لە پڕۆژە یاسای بودجەی ساڵی 2021دا جێی بكرێتەوەو لە ئەنجومەنی نوێنەرانی عێراق دەنگی لەسەر بدرێت.
وتیشی" هاوڵاتیان مافی خۆیانە داوای مافەکانی خۆیان بکەن و ئێمەش وەکو حزبی سیاسی لەسەرمان پێویستە ژیانێکی باشتریان بۆ دابینبکەین".