چارەسەرە لای کێ یە؟
د.شێرکۆ حەمەئەمین قادر
بزوتنەوەی گۆڕان،وەک هێزێکی کاریگەروخاوەن پێگەیەکی
جەماوەریی و دوەم هێزی کوردستان دوای هەموساختەکارییەکانی دو هێیزی
برابەشی پۆست وپارە. هەر،لەسەرەتای دروستبونییەوە،بە پشتیوانی خەڵکی
کوردستان و میدیای ئازاد و رەخنەگران و خەمخۆرانی دیموکراسی و ئایندەی
کوردستان ڕاستگۆیانە کاریکردوە کە ئامانجی بنیاتنانی دەوڵەتی کوردستانە،
کەهەموان شانازی پێوەبکەین،نەک لێی هەڵبێین،لە پێناوی بەدیهێنانی
ئامانجەکانیدا،کە تەنیا بەرژەوەندی باڵای خەڵکی کوردستان و ئامانجە
بالانەتەوەییەکانە، باجی زۆری داوە،بەڵام بەردەوام داکۆکی، لە پرەنسیپ و
بەهاکانی درستبونی کردوە و لە پێناوی پارەوپۆستدا سازشی نەکردوە و ڕێگری
سەرەکییە،لەبەردەم ستەمکاری و بنیاتنانی سیستمێکی هاوشێوەی باشوری سودان
ومەشێخەکانی نەوت،کە کاستێک.لەسەروەی هەرەمەکەوە، کەسی پلە یەکن و تەوای
خەڵکیش ڕەعیەتن.
دیارە،کە بزوتنەوەی گۆڕان ئامانجی ئەو بنەمایانە
بێت،ئاساییە،نەیاری زۆربێت،لەوانە زۆرجار حیزب و لایەن و خەڵک و
پەرلەمانتاری پارتی دەردەدڵی خۆیان دەکەن و دەکەونە دامێنی
گٶڕانەوە،بۆنمونە،گوایە گۆڕان خۆی بەیەکێتی نیشتمانیدا،هەڵواسیوە،ئەم قسانە
یان خۆنەبان کردنە یان بۆ تۆخکردنەوەی پەیمانی کەسەکانە،بۆ جەمسەرەکانی
پارتی و پێشبڕکێی پارتی بونی زیاترە،چونکە هەر ئەوکەسانە و شاندەکانیش،کە
سەردانی بزوتنەوەی گۆڕان دەکەن،ڕاستگۆیانە دەڵێن: دەزانیین،چارەسەر لای
بزوتنەوەی گۆڕانە،لە گردەکەیە،ئێستا ماوەیەکە باسی پێویستی ڕێککەوتنی پارتی
و یەکێتی دەکرێت،گوایە هەر ئەو دو هێزە دەتوانن زامنی ئایندەی کوردستان
بکەن،وەک خۆیان دەڵێن:دو هێزە سەرەکیەکەن! بێگومان پارتی و
یەکێتی،بەدرێژایی ٢٢ ساڵی ڕابورد و بەڕێوەبردنێکیان دروستکردوە،کەلە
جیهاندا،بۆ دژە خەڵکی خۆی وێنەی نییە،کە هەرخۆشیان دەتوانن بەڕێوەی
بەرن،ئەو بەڕێوەبردنەیە،کە سەرباری فرۆشتنی نەوت و تاڵانفرۆشکردنی خاکی
کوردستان،گوایە هەرێم ٢٠ ملیار دۆلار زیاتر قەرزارە؟! تائێستا
نەتوانراوە لەشکرێکی یەکگرتو دروستبکرێت،سنوری نێوان دیگەڵە و کۆیە
بسڕدرێتەوە،ناتوانن چارەکە موچە،بەڕێکوپێکی بەخەڵک بدەن،ڕاستە ئەو دوهێزە
پێکەوە دەتوانن درێژە،بەم مۆدێلە شکستخواردوە بدەن، بەڵام بۆ ڕێککەوتن
ناکەن کێ ڕێگرە؟
تایبەت،بەڕێککەوتنی گۆران و یەکێتی،کە
سەرلەبەری،لەخزمەتی خەڵکی کوردستان و بنیاتنانی حوکمڕانییەکی
تەندروستدایە،بەڵام ئاشکرایە نیوە زیاتری بڕیار بەدەستانی یەکێتی
بەرژەوەندی بازرگانیان،لەگەڵ پارتی تێکەڵە،بۆیە ڕێککەوتنەکە جێبەجێنەکراوە.
دواخاڵ،کە
ئاماژەی بۆدەکەین،بابەتی خەونی بارزانی،کە زیاتر،لەبەهار و لەگەڵ
خوێنجماندا،سەرهەڵدەداتەوە،ئەوەی دوژمنی سەرسەختێتی خۆتانن،چونکە
دروستکردنی دەوڵەت خەون نییە، بەڵکو ئامانجە و دەبێت،کاری جدی،بۆ بکرێت،
کەلای ئێوە خەونە، دیارە خەون قابیلی هاتنەدی و نەهاتنەدییە!لەوەش
زیاتر،ئەوە بارزانییە،دەبێت،بە کاروهەڵوێستەکانی وابکات،خەڵک و هێزەکانی
کوردستان،لە سەرو ململانێکانەوە بیبینن،چونکە ئەو خۆی کرۆکی
کێشەکانە،هاوکات پارتیش ئەم وێنەیە تۆختردەکاتەوە،بارزانی تائێستا
نەیتوانیوە،بارەگای سەرۆکایەتی هەرێم بباتەهەولێری پایتەخت،ئیترچۆن وەک بان
پارتی سەیر بکرێت؟!نەیتوانیوە،بەیەک چاو سەیری کوردستان و هیزە سیاسییەکان
بکات؟!
ئێستاش،ئەگەر پارتی و یەکێتی دەتوانن،بۆ چارەسەری
قەیرانەدروستکراوەکان و کۆتایی هێنانن،بەسیاسەتی تاڵانفرشی و برسیکردنی
خەڵکی ڕیککبکەون،فەرمون بۆ نایکەن؟یان ڕێککەوتنی ئێوە، درێژەدانە بەهەمان
بەڕیوەبردنی شکستخواردوی ئێستا،کە کەس بەغیلی پێ نابات،ئاشکرایە،هەمیشە
حەنینتان،بۆ پێکەوەیی و دابەشکردنی پۆست و پارەی کوردستان هەیە و دەیڵێنەوە
.
د.شێرکۆ حەمەئەمین
23/01/2017
وتارەکانی تری نوسەر