سوتان لە ولاتەکەمان بۆتە دیاردە و بەردەوام هەواڵی سوتان لە دوای سوتان دەبیسین!
سوتانەکانی هەولێر و دهۆک زۆر گەورە بوون و زیانێکی گەورەیان گەیاند، بەڵام ئەوەی جێگەی سەر سوڕمانە ئەوە چەندین جارە لەنگەی هەولێر دەسوتێ، تەنانەت لەماوەیەکی زۆر کەمدا ئەمڕۆ دووبارە سوتایەوە!
ئایا ئەو هەموو سوتانانە بۆچی؟
- ئایا لە بێ باکی و خەمساردیەوەیە؟
- ئایا لە نەبوونی هۆشیاری پێویستەوەیە؟
- ئایا لە کەمتەرخەمی بەرگری شارستانیەوەیە؟
- ئایا دەستێکی لە پشتە؟
- ئەگەر بە دەستە کێن ئەوانەی ئەو تاوانانە دەکەن؟
وەڵامی ئەم پرسیارانە ئەرکی لایەنی پەیوەندیدارە و دەبێ هۆکارەکانی یەک بە یەکی ئاگرکەوتنەوەکان روون بکاتەوە، بە تایبەت لەنگە، چونکە قسەیەک دەکرێ گوایە کەسانێک هەن چاویان لەو شوێنە بڕیوە!
دەبێ دەسەڵات لەو بارەیەوە کاسبیکارانی لەنگە دڵنیا و هۆکارەکانی ئاگرکەوتنەکان ڕوون بکاتەوە، تا لایەنە پەیوەندیدارەکانیش رێکاری پێویست بگرنەبەر و کۆتایی بەو دیاردە زیانبەخش و مەترسیدارە بهێندرێ.
پێویستە حکومەت هاوکاری زیانمەندانی ئاگرکەوتنەکان بکا، هەروەکو چون (بەدەستخۆشیەوە ) هاوکاری لێقەوماوانی دهۆکی کرد.