بەیانی ئەمڕۆ سێشەممە ١٣ی نیسان لەبەردەم ئەنجومەنی وەزیرانی هەرێمی کوردستان لە شاری هەولێر خاوەن پێداویستییە تایبەتەکان گردبوونەوە.
ئەمڕۆ ژمارەیەک لە خاوەن پێداویستیە تایبەتەكانی شاری سلێمانی بۆ گەیاندنی پەیام و داواكارییەكانیان روویان لە هەولێر كرد، لە ئێستاشدا لە بەردەم ئەنجومەنی وەزیران گردبوونەتەوە و خێمەیان هەڵداوە و ئاماژە بەوەدەکەن، دەمێننەوە.
لە گردبوونەوەکەدا خاوەن پێداویستیە تایبەتەکان داوای گێڕانەوەی مافەکانیان دەکەن و دەڵین" داوا لە ئەنجوومەنی وەزیران دەکەین کە بڕی مووچەكانمان زیاد بكات و مانگانە لەكاتی خۆیدا مووچەكانیان دابەش بكرێت".