هاتوچۆی سلێمانی رایدەگەیەنێت" لە سبەینێوە دەوامی بەڕێوەبەرایەتییەکە نامێنێت و لە یەکشەممەی هەفتەی داهاتووەوە دەوامى فەرمى دەستپێدەکەینەوە".
بەڕێوەبەرایەتی هاتووچۆی پارێزگای سلێمانی لە ڕاگەیەندراوێکدا، ئاگاداری سەرجەم هاوڵاتیان دەکاتەوە کە رۆژانی چوارشەممە و پێنجشەممە واتە بەرواری 14 و 15-7-2021 دەوامی بەڕێوەبەرایەتی هاتووچۆی سلێمانی نابێت بەهۆی پاککردنەوەو دەرمانڕێژکردنی تەواوی بینای بەڕێوەبەرایەتیان.
لەبەشێکی تری ئاگادارییەکەدا هاتوچۆی سلێمانی ئاشکراشیدەکات، رۆژى یەکشەممەى داهاتوو دەوامی فەرمی دەست پێدەکاتەوە.