بەڕێوەبەرایەتی گشتی ڕەگەزنامەی هەرێمی كوردستان لە ڕاگەیەندراوێکدا ھاووڵاتییان ئاگادار دەكاتەوە کە تا 8ی ئازاری ئەمساڵ پەنجەمۆریان كردوە دەتوانن سەردانی بەرێوەبەرایەتیەكەیان بكەن بۆ وەرگرتنەوەی كارتی نیشتمانی.
لە ڕاگەیەندراوێکدا بەڕێوەبەرایەتی رەگەزنامە و كاروباری شارستانی هەولێر ئاماژەی بەوەکردووە"
ئاگاداری ئەو هاوڵاتیانه دەكەینەوە كه تا بەرواری 2021/3/8 پەنجەمۆریان كردوە دەتوانن سەردانی بەرێوەبەرایەتیەكەمان بكەن بۆ وەرگرتنەوەی كارتی نیشتمانی".
لە ڕاگەیەندراوەکەدا ئەوەش هاتووە، هاوڵاتیان دەتوانن سەردانی بەرێوەبەرایەتییەكەیان بكەن لە رۆژانی یەكشەممە تا پێنجشەممە لە كاتژمێر 2:00ی پاش نیوەرۆوە تا وەكو کاتژمێر 6:00ی ئیوارە بەمەبەستی وەرگرتنەوەی كارتی نیشتیمانی.
بەرێوەبەرایەتی رەگەزنامەو كاروباری شارستانی هەولێر لە کۆتایی ڕاگەیەندراوەکەدا داوا لە هاوڵاتیان دەکات کە بۆ وەرگرتنەوەی کارتی نیشتیمانی رەگەزنامەی عێراقی(أصلی)، پێناسەی باری شارستانی(أصلی) و وەسڵی وەرگرتنەوەی كارتی نیشتمانی لەگەڵ خۆیان بهێنن.