هەفتەی داهاتوو هەموو وەزارەتەکان مووچە وەردەگرن
حکومەتی هەرێمی کوردستان بڕیار دەدات هەفتەی داهاتوو لە چەند رۆژێکی کەمدا مووچەی هەموو وەزارەت و دەستەو فەرمانگەکان دابەشبکرێن.
سەرچاوەیەکی ئاگادار بە " سپی " راگەیاند کە کێشەی نەبوونی پارەی نەختینە بۆ مووچەی سەرجەم وەزارەت و فەرمانگەکان چارەسەرکراوەو، هەفتەی داهاتوو لە چەند رۆژێکدا تەواوی مووچەی بەوەزارەتەکان بە لێبرێنی ٢١٪ دابەشدەکرێت.
لەچەند رۆژی رابردوودا بە هۆی نەبوونی پارەی نەختینەوە لە بانکەکاندا کار بە لیستی مووچەی وەزارەتەکان نەکراو لە ٢٥ ی ئایارەوە کە کاتی دابەشکردنی مووچەی مانگانەیە، تەنها هەردوو دوو وەزارەتی تەندروستی و پێشمەرگە مووچەکانیان وەرگرتووە.
PM:12:10:27/05/2021