پۆلیسی ڕاپەڕین ڕایدەگەیەنێت" پاش نیوەڕۆی ئەمڕۆ چوارشەممە گەنجێك بەهۆی تەقینەوەیەكەوە لە سنووری قەزای پشدەر گیانی لە دەستدا". 

ئاماژەی بەوەشکردووە" ئەو کەسەی گیانی لەدەستداوە لەکاتی تەقینەوەکەدا کوڕێکی بریندار بووە کە تەمەنی هەشت ساڵە لەگەڵ مێردمنداڵێکی تر کە تەمەنی 16 ساڵە و بە ڕۆژانە ئیشی بۆ ناوبراو کردووە".

لە ڕاگەیەندراوەکەدا ئەوەش خراوەتەڕوو، قوربانیەکان وەستای هەڵکەندنی بیر بوون و لەکاتی کارکردن بۆ خاوەن باخێک TNTیان بەکار هێناوە، بەوتەی خاوەن باخەکەش ئەوانی بەکرێ گرتووە تا بیری دەستی بۆ هەڵکەنن، بەڵام لەناو بیرەکە گەیشتونەتە شاخ و ویستویانە بە سود وەرگرتن لە TNT شاخەکە بشکێنن، بەڵام پێیاندا تەقیوەتەوە.

هەر بەپێی بڵاوکراوەکەی پۆلیسی ئیدارەی ڕاپەڕین، باری تەندروستی بریندارەکان جێگیرە و دۆسیەی لێکۆڵینەوەش بۆ ڕووداوەکە کراوەتەوە.