ماریا هەورامی خانمە گۆرانیبێژی لاوی هەورامان لە نوێترین دەرکەوتنیدا بە جلی کوردیەوە ڤیدیۆ و وێنە بڵاودەکاتەوەو لەسەر پۆشاکی کوردی رای خۆی رادەگەیەنێت؟
لە تۆڕی کۆمەڵایەتی ئینستاگرام، ماریا هەورامی هونەرمەند لەگەڵ بڵاوکردنەوەی وێنە و ڤیدیۆی خۆی بە جلی کوردیەوە، لەسەر پۆشاکی کوردیش دەڵیت " گوناح نییە، جلێک ھی خۆمان بێت و لەبەر نەکرێت!!".
هەروەها لە درێژەی قسەکانیدا دەشڵێت" جوانی خانمان لە پۆشینی کلتور و ڕەسەنایەتی خۆیدایە نەك لە دەرخستنی جەستە."!!
ماریا یەکێکە لە خانمە گۆرانیبێژە بەناوبانگەکانی کورد، لەساڵی 1990 لەسلێمانی لەدایكبووە و پەیمانگای هونەرە جوانەكانی سلێمانی بەشی میوزیکی تەواو كردووەو چەندان گۆرانی بەزاراوەی هەورامی و کرمانجی خواروو هەیەو، لەماوەی چەند ساڵێکدا ناوبانگێکی زۆری پەیدا کردووە.