وەزارەتی کاروباری شەهیدان و ئەنفالکراوان رايگەياند،
قەرزەکانی کرێى خوێندن بۆ کچ و کوڕی شەهیدان و زیندانیکراو و زیندانیانی سیاسی خەرج
دەکرێت.
ئەمرۆ چوارشەمە ١٧ی تشرینی دووەم، وەزارەتی شەهيدانی
حکومەتی هەرێمی کوردستان بڵاويکردەوە، لە چوارچێوەی ئەو خزمەتگوزارییانەى کە پێشکەش
دەکرێن بە کەسو کاری سەربەرزی شەهیدان و قوربانیانی جینۆساید و زیندانیانی سیاسی
کوردستان، وەزارەتی کاروباری شەهیدان وئەنفالکراوان قەرزەکانی کرێی خوێندنی کوڕ و
کچی شەهیدانی سەنگەر و جینۆساید و زیندانیکراو و گیراوی سیاسی خەرج دەکات.
عەبدوڵڵا حاجی مەحمود، وەزیری کاروباری شەهیدان
و ئەنفالکراوان باسی لەوەکرد، قوتابی و خوێندکارانى کچ و کوڕی شەهیدان و زیندانیانى
سیاسی کە کرێ خوێندن و دەرماڵەی ساڵانی (٢٠١٦-٢٠١٧) و (٢٠١٧-٢٠١٨) و (٢٠١٨-٢٠١٩)یان
وەرنەگرتووە لەنزیکترین کاتدا سەردانی بەرێوەبەراییەتییە گشتییەکانی سەر بەوەزارەتەکەمان
لە (هەولێر – سلێمانی – دهۆک ) و بەرێوەبەرایەتی کارو باری زیندانییە سیاسییەکان لە
هەولێر بکەن بۆ وەرگرتنی پارەکانیان.
ئەوەشی خستە ڕوو، ئامادەکاری کراوە بۆدانەوەی
کرێى خوێندنی قوتابی و خوێندکارانى شارى کەرکوک و کرێى خوێندنی ساڵانى دواتر.