ئەندامی ئەنجومەنی باڵای سیاسی و بەرژەوەندییەکانی یەکێتی ڕایدەگەیەنێت
"ئەندامانی دادگای فیدڕاڵی بێلایەن نین و سەرجەمیان نوێنەری حزب و لایەنەکانن".
ئەمڕۆ
دووشەممە، مەلا بەختیار، ئەندامی ئەنجومەنی باڵای سیاسی و بەرژەوەندییەکانی یەکێتی
باسی لەوەکردووە" پێکهاتەی دادگای فیدراڵی بێ لایەن نییە و سەرجەم
ئەندامەکانی نوێنەری حزب و لانەیەکانن و زۆربەیان شیعە مەزهەبن، بۆیە بڕیارەکان بە
پێی ویستی زۆرینە پەسەند دەکرێن "
وتیشی "
ناتوانم بڵێم عێراق وڵاتێکی دیموکراسییە، چونکە دەسەڵاتدارانی عێراق پابەندی
دەستوور نابن و یاساکان پێشێل دەکەن باسی ئەوەشیکرد، پرسیارەکە لەوەدایە بۆچی لە
ماوەی ١٠ ساڵی رابردوودا دادگای فیدڕاڵی لەئاست دۆسیەی نەوتی هەرێمی کوردستان
بێدەنگ بووە و لەم کاتەدا بابەتەکەی وروژاندووەتەوە؟ وەڵامەکەش ئەوەیە کە لەم
کاتەدا قەیرانی سیاسی لە هەرێمی کوردستاندا هەیە و ململانێی یەکێتی و پارتی لەسەر
پۆستی سەرۆککۆمار لە لوتکەدایە ".
دەشڵێت "
عێراق لەهەوڵدایە ئەو دەستکەوتە دەستورییە کەمەی هەرێمی کوردستان بەدەسیهێناوە
نەیهێڵێت و دەسەڵاتەکانی حکومەتی هەرێم کەمبکاتەوە، هەروەها دەیانەوێت ماددەی ١٤٠
نەهێڵن و ژمارەی مووچەخۆر و هێزی پێشمەرگەش کەمبکەنەوە ".