موقتەدا سەدر، رێبەری رەوتی سەدر ئەمشەو لە نوێترین تویتیدا لە تۆڕی کۆمەڵایەتی تویتەر رایگەیاند" دەرفەت بە سێیەکی پەکخەری پەرلەمان دەدەین کە گفتوگۆ بکەن بۆ پێکهێنانی حکومەتی زۆرینەی نیشتیمانی بەبێ کوتلەی سەدر".
ئاماژەی بەوەشکرد، دەرفەت بەو لایەنانە دەدەین لە یەکەم رۆژی مانگی رەمەزانەوە تاوەکو ٩ی ئایاری ٢٠٢٢ کە نزیکەی (٤٠) رۆژ دەکات، ئەمەش دەرفەتێکی باشە بۆ ئەوەی لایەنەکان دانووستان بکەن.