بەپێی راگەیەنراوێكی حكومەتی هەرێم، ئەنجومەنی وەزیران پێشنیاری درێژكردنەوەی ماوەی كاركردن بە بڕیاری پێشووی ئەنجومەنی وەزیرانی پەسەندكرد تایبەت بە داشكاندنی ڕێژەی %15 ی ئەو پێشنینانەی حكومەت كە لەلای هاوڵاتییانە.

بەپێی بڕیارەكەی حكومەتی هەرێم پێشینیەكان ئەمانە دەگرێتەوە (خانووبەرە ، قەرزی سندوقی نیشتەجێبوون و بانكی خانووبەرە، هاوسەرگیری، قەرزی بچووك، پێشینەكانی بانكی كشتوكاڵی، پێشینەی پڕۆژەكانی پیشەسازی و گەشتیاری و پابەندی دارایی كەڵەكەبووی وەزارەتی شارەوانی و گەشتوگوزارو دەستەری كۆمەڵایەتی و سزای دواكەوتن و سوود لە سەر باج و رەسم). 

وەك حكومەتی هەرێم ئاماژەی پێداوە، ئەم درێژكردنەوەیەش تەنیا بۆ 90 ڕۆژ دەبێت و دوا دەرفەت دەبێت بۆ سوود وەرگرتن لەم ئاسانكارییە و جارێكی دیكە داشكاندنەكە درێژ ناكرێتەوە.