نەزهەت حالی بەرپرسی پێشووی ئاژانسی پاراستنی پارتی لەسەر دیاریکردنی سەرۆک کۆماری نوێی عێراق دەڵێت" هیواخوازم ئەو جارە بە هەڵبژاردنی دووەم زاوای مامۆستا ابراهیم ئەحمەد بۆ سەرۆک کۆماری عیراق کۆتایی هەمیشەی و ڕیشەی بە کێشەی جەلالی و مەلایی بهێندرێت".
نەزهەت حالی ئەندامی ئەنجوومەنی سەركردایەتی پارتی دیموکراتی کوردستان و بەرپرسی پێشووی دەزگای پاراستن
لە ئەکاونتی خۆی لە تۆڕی کۆمەڵایەتی فەیسبووک پەیامێکی سەبارەت بە هەڵبژاردنی سەرۆک کۆماری نوێی عێراق بڵاوکردەوە و ڕایگەیاند" لە نێوان مشت و مڕێکی زۆر لە کۆتاییدا فەخامەتی سەرۆک کۆمار بۆ عێڕاق هەڵبژێردار، بیرو بۆچوونی جیاوازیش هەن لەسەر چۆنێەتی هەڵبژاردنی، بەڵام ئەوەی بە ئاشکرا دیارە کورد نەیتوانی پێشتر لەسەر کاندێکی هاوبەش ڕێک بکەوێت، هەر بۆیە وەکو خولی پێشتر هۆڵی پەرلەمان بابەتەکەی یەکلایی کردەوە، کە پێم وایە ئەمەش بۆ سیاسەتی و ئیدارەی کوردی ئێستا باش نابێت".
ئاماژەی بەوەشکردووە، هەڵبژاردنی سەرۆک کۆماری ئێستا کە زۆر جێگای سەرنجە و شتێکی ناوازەیە لە کاری سیاسی، نە بە دەنگ و کاری ئاشکرای ئەو حزبەی کە تێیدا هەموو تەمەنی بردە سەر و خانمەکەشی لە ئاستی هەرە بەرزی حزبەکەیەتی سەر نەکەوت، بەڵکو بە دەنگ و کاری بێ وێنەی ئەو حزبەی کە بە درێژایی مێژوویی خەباتی سیاسی خۆی زۆربەی کات دوژمن و نەیاری بووە سەرکەوت، کە ڕەنگە ئەو مودیلە لە کاری سیاسی تەنیا لە عێڕاق و لە کوردستان هەبێت و بەو ئومێدە کە وەرچەرخانێک بێت بۆ وەلانانی ڕق و کینە کۆنەکان.
نەزهەت حالی لە بەشێکی تری بڵاوکراوەکەدا دەشڵێت" هیوادارم قەدەمی سەرۆک کۆمار و خانمەکەی کە خانمی یەکەمی عێڕاقە بۆ کۆشکی سەلام، سەلام و ئاشتی و خێر بۆ عێڕاق بەرهەم بهێنێت، لە دڵەوە هیوا خوازم ئەو جارە بە هەڵبژاردنی دووەم زاوای مامۆستا ابراهیم ئەحمەد بۆ سەرۆک کۆماری عیراق کۆتایی هەمیشەی و ڕیشەی بە کێشەی جەلالی و مەلایی بهێندرێت".
دەقی وتارەکە:
لەنێوان مشت و مڕێکی زۆر لە کۆتاییدا فەخامەتی سەرۆک کۆمار بۆ عێڕاق هەڵبژێردار، بیرو بۆچوونی جیاوازیش هەن لە سەر چۆنێەتی هەڵبژاردنی، بەڵام ئەوەی بە ئاشکرا دیارە کورد نەیتوانی پێشتر لەسەر کاندێکی هاوبەش ڕێک بکەوێت، هەر بۆیە وەکو خولی پێشتر هۆڵی پەڕلەمان بابەتەکەی یەکلایی کردەوە، کە پێم وایە ئەمەش بۆ سیاسەتی و ئیدارەی کوردی ئێستا باش نابێت، هیوادارم بۆ خولێکی تر وانەبێت و پێشتر کۆدەنگی کوردستانی لە هەرێم لەسەر نەک تەنیا پۆستی سەرۆک کۆمار بەڵکو بۆ هەموو پۆستەکان و بابەتەکان هەبێت.
هەڵبژاردنی سەرۆک کۆماری ئێستا کە زۆر جێگای سەرنجە و شتێکی ناوازەیە لە کاری سیاسی، نە بە دەنگ و کاری ئاشکرای ئەو حزبەی کە تێیدا هەموو تەمەنی بردە سەر و خانمەکەشی لە ئاستی هەرە بەرزی حزبەکەیەتی سەر نەکەوت، بەڵکو بە دەنگ و کاری بێ وێنەی ئەو حزبەی کە بە درێژایی مێژوویی خەباتی سیاسی خۆی زۆربەی کات دوژمن و نەیاری بووە سەرکەوت، کە ڕەنگە ئەو مودیلە لە کاری سیاسی تەنیا لە عێڕاق و لە کوردستان هەبێت و بەو ئومێدە کە وەرچەرخانێک بێت بۆ وەلانانی ڕق و کینە کۆنەکان. هەروەها ئەوەی باشە ئەوجارە شوکور بۆ خودای مەزن هەر دوولایەنی منافس خۆیان بە سەرکەوتوو و پاڵپشتی سەرۆک کۆمار دەزانن.
هیوادارم قەدەمی سەرۆک کۆمار و خانمەکەی کە خانمی یەکەمی عێڕاقە بۆ کۆشکی سەلام، سەلام و ئاشتی و خێر بۆ عێڕاق بەرهەم بهێنێت، لە دڵەوە هیوا خوازم ئەو جارە بە هەڵبژاردنی دووەم زاوای مامۆستا ابراهیم ئەحمەد بۆ سەرۆک کۆماری عیراق کۆتایی هەمیشەی و ڕیشەی بە کێشەی جەلالی و مەلایی بهێندرێت.
لە لایەکی ترەوە چوارچیوەی هەماهەنگی شیعە تاکو ئێستا سەرکەوتووی پڕۆسە سیاسییە سەقەتەکەی عێڕاقە و پێ دەچێت ئامادەی هەبێت هەندێ شت بکات ئەگەر ڕاستگۆ بن ، بەڵام ئەوەی دیارە لە نێوان هەوموو پێکهاتە سیاسیییەکانی عێڕاق هەر لایەنێک لە ڕابردوودا هەموو هەوڵێکی ئەوە بووە ویست و خواستی خۆی بسەپێنێت، هەر بۆیە کۆدەنگی و کۆ بەرنامەیی بۆ بەڕێوە بردنی وڵات کە خزمەتی بەرژەوەندی گشتی بکات هەرگیز دروست نەبووە، زۆربەی ڕێکەوتنەکانی نێوان لایەنەکان تەنیا بۆ وەرگرتنی پۆستەکان جێبەجێ کراون نەک بۆ خزمەتی هاووڵاتیان، بەو هیوایەی ئەو جارە وانەبێت و ڕێکەوتنەکان بۆ بەرژەوەندی گەلی کوردستان و عێڕاق ئەنجام درا بن و خەڵکی عێڕاق و کوردستان بتوانن ئەنجامەکان هەست پێ بکەن و لە ژیانی ڕۆژانەیان ڕەنگ بداتەوە.
بەو هیوایەی فەخامەتی سەرۆکی نوێ و دەوڵەت رەئیس و وەزیرە نوێیەکان بتوانن خزمەتی خەلکە داماوەکەی عێراق بکەن.