پۆلیسی هەولێر رایدەگەیەنێت، لە ناحیەی كەسنەزان كەسێك بەناوی (ڕابەر .ج.ع) تەمەن (٢٧ ساڵ) لەلایەن براكەیەوە بەناوی (ب. ج. ع) لەسەر كێشەی پارە و قەرزداری بە چەكی جۆری (كلاشنكۆف) تەقەی لێكراوە و كوژراوە.
پۆلیسی هەولێر رایگەیاندووە "دوای ئەوەی ئەمشەو هێزەكانی پۆلیس ئاگادار كرانەوە كە لە گەڕەكی (كەمئەندامان) لە ناحیەی كەسنەزان ڕووداوێكی كوشتن ڕوو داوە، دەستبەجێ هێزەكانمان گەیشتنە شوێنی ڕووداو و دەستیان بە لێكۆڵینەوە كرد.
راگەیەنراوەكە ئاماژەی بەوەكردووە "لە لێكۆڵینەوە سەرەتاییەكاندا دەركەوت كە كەسێك بەناوی (ڕابەر .ج.ع) تەمەن (٢٧ ساڵ) لەلایەن براكەیەوە بەناوی (ب. ج. ع) لەسەر كێشەی پارە و قەرزداری بە چەكی جۆری (كلاشنكۆف) تەقەی لێكراوە و كوژراوە".
هەر بەپێی راگەیەنراوەكە "هێزەكانمان لەئێستادا سەرقاڵی لێكۆڵینەوەن بۆ ئەوەی كە ڕێڕەوی یاسایی بەرامبەر تۆمەتباری ناوبراو بگیرێتەبەر".