لەسەر داوای قائیمقامی قەزای دەربەندیخان و بە هەماهەنگی ئیدارەی گەرمیان هاتوچۆكردنی تەنكەری سوتەمەنی بە رێگەی دەربەندیخان و رێگای سەرشاخ قەدەغەكرا.
قائیمقامیەتی قەزای دەربەندیخان لە راگەیەندراوێكدا بڵاویكردەوە، لەسەر داوای قائیمقامی قەزای دەربەندیخان و بە هەماهەنگی ئیدارەی گەرمیان هاتوچۆكردنی تەنكەری سوتەمەنی بە رێگەی دەربەندیخان و ڕێگای سەرشاخ قەدەغە كرا.
هەروەها ئاماژەی بەوەكردووە "هاتوچۆكردنی تەنكەری سوتەمەنی بە رێگەی دەربەندیخان و رێگەی سەرشاخ دەبووە هۆی رژانی سوتەمەنی و نەوت لەسەر رێگای سەرشاخ و ئاستەنگ دروست دەبوو بۆ شۆفێران و هاوڵاتییان".
راگەیەنراوەكە روونیكردۆتەوە "لە ئەمرۆوە هاتوچۆكردنی تەنكەری سوتەمەنی بە رێگای دەربەندیخان و رێگای سەرشاخ قەدەغە كرا، بۆیە پێویستە تەنكەری سوتەمەنی بە رێگای (سەنگاو - چەمچەماڵ)دا هاتوچۆ بكات".
لە ئێستادا تیمەكانی بەڕێوەبەرایەی رێگاوبانی سلێمانی سەرقاڵی نۆژەنكردنەوەی تونێلی دەربەندیخان و ماوەی چەند رۆژێكە تونێلەكە داخراوە، بەوهۆیەشەوە هاوڵاتییان ناچارن بۆ هاتوچۆكردن رێگای سەرشاخ بەكاربهێنن.