شارەوانی سلێمانی رایگەیاند، سەرلەبەیانی ئەمڕۆ بە ئامادەبوونی فاروق مەلا مستەفا، سەرمایەداری نیشتمانی، پڕۆژەی دروستكردنی (ئەندەرپاسی فاروق مەلا مستەفا) راگەیەنرا، لەیلا عومەر، سەرۆكی شارەوانی سێمانی ئاماژەی بە گرنگیی و بایەخی پڕۆژەكە كردووە لە كەمكردنەەی قەرەباڵغی لە خزمەتی شاری سلێمانی و سوپاسی كۆمپانیای جێبەجێكاری كرد لەزوو هاتنە پێشەوەو تەواوكردنی دیزاینی پڕۆژەكە. 

راگەیەنراوەكە روونیكردۆتەوە، تەواوكردنی ئەندەرپاسەكە دەبێتەهۆی چارەسەركردنی كێشەی (U-turn)ی سەر شەقامی مەلیك مەحمود نزیك شاری پزیشكی فاروق و ئاسانكردنی هاتوچۆ لە سەر شەقامی بازنەیی مەلیك مەحمودەوە بۆ  گەرەكەكانی كازیوە و ئیبراهیم ئەحمەدو هیوا و پەری و رێگەدان بە (U-turn) لەسەر شەقامەكە بە ئاستی جیاواز كە ئەمەش دەبێتە هۆی كەمكردنەوەی رووداوی هاتوچۆ و قەرەباڵغی لەسەر شەقامی بازنەیی مەلیك محمود.

دەقی ڤیدیۆکە لە کوردساتەوە وەرگیراوە