بڕیارە لە سبەینێوە خۆپیشاندەرانی قەزای دەربەندیخان بۆ دەربڕینی ناڕەزییەكانیان دەست بە مانگرتن بكەن.
دەستەیەك لە چالاكوانان و خۆپیشاندەرانی دەربەندیخان رایانگەیاندووە، ئەوان وەك دەستەی چالاكوانانی دەربەندیخان بڕیاریان داوە سبەینێ كاتژمێر ١٠:٠٠ بەیانی مانگرتن لە خواردن و خواردنەوە ڕابگەیەنن ھەتا حكومەت وەڵامی داواكارییەكانمان ئەداتەوە.
ماوەی زیاتر لە هەفتەیەكە بەشێك لە دانیشتوانی دەربەندیخان دەستیان بە خۆپیشاندان كردووە بۆ خزمەتگوزارییە سەرەتاییەكان.