چالاکوانانی رێکخراوەکانی هەڵەبجە لەگەڵ بایکۆتی مەراسیمی ١٦ ی ئازار رۆژی کیمیابارانی شارەکە، بەرنامەیان داڕشتبوو، سبەی خۆپیشاندانێکی هێمنانە سازبکەن، بەلآم ئاسایش ژمارەیەک چالاکوان دەستگیر دەکات.

سەرچاوەیەکی ئاگادار لە هەڵەبجەی شەهید بە " سپی " راگەیاند " ئەمڕۆ ١٣ ی ئازار هێزە ئەمنییەکان ژمارەیەک چالاکوانیان دەستگیرکردووە کە بەرنامەیان داڕشتبوو سبەی ١٤ ی ئازار خۆپیشاندانێکی هێمنانە سازبکات".

رێکخراوەکان هاوکات پلانیان دراشتبوو رۆژی ١٦ ی ئازار رۆژی کیمیابارانی شارەکە بایکۆتی مەراسیمەکە بکەن، ئەوە لە کاتێکدایە ساڵی پاریش بایکۆتی مەراسیمی یادی ٣٤ ساڵەی مەراسیمەکەیان کرد.

هێزە ئەمنییەکان دەستگیرکردنی ئەو چاڵاکوانەیان بە پاساوی نەبوونی مۆڵەتی خۆپیشاندان دەستگیرکردووە.