بەڕێوەبەری گشتی ئاوی هەرێم رایدەگەیەنێت" لێخۆشبوون لە پارەی پێوەری ئاو تەنها چەند رۆژێکی ماوە و کۆتایی دێت".
ئارى ئەحمەد بەڕێوەبەرى گشتى ئاوى هەرێم، لە لێدوانێکدا بە میدیاکانی راگەیاند" ڕۆژى ٢١ى ئەم مانگە بڕیارى داشکاندن لە کرێى بەستنى پێوەرى ئاو کۆتایی پێدێت و ماوەکە درێژناکرێتەوە".
ئاماژەی بەوەشکردووە، ئەو کەسانەی پێوەرى ئاویان نەبەستووە، ئەو ٨٠ هەزارەى کە بۆ هەر ماڵێک لە ناوشار دانرابوو بۆ هەر مانگێک لەو مانگانەى کە قەرزارن دەبێتە ٢٠ هەزار و لە قەزا و ناحیەکانیش دەبێتە ١٠ هەزار دینار، چونکە لێخۆشبوونى ٧٥% دەیانگرێتەوە.
وتیشی" هەرکەسێک پێوەر نەبەستێت، ئەوا قەرزەکەى هەر لەسەر دەمێنێت و مانگانەش ٨٠ هەزار دینارەکە هەر بەردەوام دەبێت".