پهرلهمانی كوردستان راگهیاندراوێك سهبارهت به كوبانی بڵاودهكاتهوه
پهرلهمانی كوردستان له راگهیاندراوێكدا ئیدانهی هێرشهكانی رێكخراوی داعش بۆسهر رۆژئاوای كوردستان دهكات و ئاماژه بهوهدهكات "لە ئێستادا کوردانی ڕۆژئاوا، لەبەردەم هێرشی دڕندانەی داعشدان و لە ڕابردووشدا دەسەڵاتدارانی بەعسی سوریا ئینکارییان لە بوون و ناسنامەی کورد دەکرد و بە هاوڵاتی پلە دووی ئەژمار دەکردن".
دهقی راگهیاندراوهكه:
ڕاگەیانراوێک لە پەرلەمانی کوردستانەوە
سەبارەت بە ڕۆژئاوای کوردستان
چەند رۆژێکە رێکخراوە تیرۆرستەکان پەلامارێکی دڕندانەیانەیان بەچەکی قورس بۆ سەر شاری کۆبانی رۆژئاوای کوردستان دەستپێکردوە، بەو هۆیەشەوە سەدان منداڵ و ژن و خەڵکانی سڤیل بوونەتە قوربانی و دانیشتوانەکەشی ڕووبەڕووی کارەساتێکی مرۆیی بوونەتەوە.
لە ئێستادا کوردانی ڕۆژئاوا، لەبەردەم هێرشی دڕندانەی داعشدان و لە ڕابردووشدا دەسەڵاتدارانی بەعسی سوریا ئینکارییان لە بوون و ناسنامەی کورد دەکرد و بە هاوڵاتی پلە دووی ئەژمار دەکردن.
پەرلەمانی کوردستان روو لە کۆمەڵگەی نێودەوڵەتی، بە تایبەتی وڵاتە یەکگرتوەکانی ئەمریکا و وڵاتانی ڕۆژئاوا دەکات، بە پێی بڕیارەکانی کۆبونەوەی جەدە و کۆنگرەی پاریس بە ئەرکەکانی سەرشانیان هەستن و بە زووترین کات بە هانای خەڵکی کۆبانییەوە بچن و رێگریی بکەن لە دووبارە بونەوەی تاوانێکی دیکەی کۆمەڵکوژی کوردانی ڕۆژئاوا.
لە هەمانکاتیشدا داوا لەڕێکخراوە مرۆییە نێودەوڵەتییەکان دەکەین بەهانای خەڵکی سڤیل و لێقەوماوانی ڕۆژئاوای کوردستانەوە بچن، لەو نەهامەتییە ڕزگارییان بکەن کە رووبەڕوویان بووەتەوە.
لەئاستی ناوخۆیشدا پەرلەمانی کوردستان، بە پێویستی دەزانێت هەمو لایەنە پەیوەندارەکان و هێز و لایەنە سیاسی و ڕێکخراوەکانی کۆمەڵگەی مەدەنی، سەرەڕای جیاوازی و هەبوونی کیشەی دارایی کە ماوەی چەند مانگێکە هەرێمی کوردستانی گرتووەتەوە، هاوکاری کوردانی خۆرئاوا بکەن و بە گیانی نەتەوەیی و مرۆییەوە دەستی هاوکارییان بۆ درێژ بکەن.
پەرلەمانی کوردستان
١٩-٩-٢٠١٤
PM:04:47:19/09/2014