بەهۆی بارانی بەخۆڕ لە باکووری کوردستان لافاو دروست بووە و دووکەس گیانیان لەدەستداوە.
ئەمڕۆ دووشەممە ٢٠ی تشرینی ٢٠٢٣ میدیاکانی باکوور رایانگەیاند" بەهۆی بارانی بەخۆڕ و لافاوەوە چەند ناوچەیەک زیانیان بەرکەوتووە و لە مێردین جامی پەنجەرەیەک شکاوە و لە ناوچەی بسمیلی ئامەد و ناوچەی کانی رەشی بسمیل دوو کەس گیانیان لەدەستداوە".
هەروەیا رایانگەیاند" لە ناوچەی سەیدلەری شاری ئێلیهـو سێ منداڵ کە خوشک و بران و تەمەنیان لەنێوان ٣ ساڵ و ٥ ساڵە لافاو بردنی تائێستا بێسەروشوێنن".
هاوکات هەر لەم پەیوەندییەدا میدیا عێراقییەکان بڵاویانکردەوە" لە نزیک گوندی وادی مور، لەسەر رێگەی بەغداد لە باشووری شاری موسڵ گەنجێک گیانی لەدەستداوە و لەناو سەنتەری شاری موسڵیش دوو کەس خنکاون".