سەرجەم ئەوانەی هوتافی پشتگیریان بۆ بەعس و سەدام دەوتەوە بە پێنج ساڵ زیندانیکردن سزادران.
ئەمڕۆ هەینی ٢٢ی کانونی یەکەم ٢٠٢٣، بەپێی یاسای ژمارە ٣٢ ی ساڵی ٢٠١٦ی قەدەغەکردنی حزبی بەعس دە کەس لەکەرکوک بەهۆی وتنەوەی هوتافی بەعس و بەرزکردنەوەی وێنەی سەدام حوسێن سزا دران، پاش ٤٨ کاتژمێر لە ڕوداوەکە سەرجەم ئەو کەسانە دەستگیرکران و پاش ٢٤ کاتژمێر پاش دانپێدانەکانیان دادگا بڕیاری سزادانیانیدا.
دادگای تاوانی کەرکوک سزای پێنج ساڵ زیندانی کردنی بۆ دە کەس لەکەرکوک دەرکرد کە لەبەردەم بینای پارێزگای شارەکە و لەدوای ئاشکراکردنی ئەنجامی بەرایی دەنگدانی هەڵبژاردنی ئەنجومەنی پارێزگاکان ئاهەنگیانگێڕا.
دیمەنێکی ڤیدیۆییدا لە بەردەم پارێزگای کەرکووك دەردەکەوێت و ستایشی سەدام حسێن دەکات و لەگەڵ چەند کەسێکی دیکەدا وێنەکەیان بەرزکردووەتەوە ئەمڕۆش لەلایەن دەزگای ئاسایشی نیشتیمانی ئێراق دەسگیرکران.