فەرماندەى بڕیارگەى ناوەندى هێزەکانى پاراستنى گەل (نەپەگە) ئامارى چالاکییەکانیان دژى سوپاى تورکیا لە ماوەی مساڵدا بڵاوکردەوە و دەڵێت" هەزار و ٢٨ سەرباز کوژراون".
بەپێ ئامارەکانی فەرماندەى نەپەگە، لە ساڵى ٢٠٢٣دا هێزەکانیان هەزار و ٧١٢ چالاکیان دژى سوپاى تورکیا ئەنجامداوە کە تێیدا هەزار و ٢٨ سەرباز کوژراون و حەوت کەسیشیان پلەی سەربازییان هەبووە.
ئاماژە بەوەشکراوە، هەر لە مساڵدا دەوڵەتی تورکیا دوو هەزار و ٩٦٩ جار هێرشیان کردووەتە سەر سەنگەرەکانى گەریلا و تێیدا "چەکی کیمیایی و بۆمبی قەدەغەکراوى بەکارهێناوە"، هەروەها ١٧٩ گەریلاش گیانیان لەدەستداوە.