وەزارەتی دارایی عێراق داوای لیستی خەرجی مووچەی فەرمانبەرانی لە وەزارەتی دارایی هەرێمی کوردستان کردووە.
وەزارەتی دارایی عێراق داوا لە سەرجەم دامەزراوەکانی عێراق و وەزارەتی دارایی حکومەتی هەرێمی کوردستان دەکات، لیستی مووچەی فەرمانبەرانیان بۆ رەوانە بکەن تاوەکو بۆ مانگی کانوونی دووەم و مانگەکانی دواتر پشتی پێ ببەسترێت بۆ پارەدارکردنیان.
بەپێی نووسراوێکی وەزارەتی دارایی عێراق کە ٢٠٢٤/١/١٦ ئاڕاستەی وەزارەتی دارایی هەرێم و وەزارەتەکانی حکومەتی ناوەند و دەزگاکانی تر کراوە و تایبەتە بە مووچەی فەرمانبەران بۆ ساڵی ٢٠٢٤ و هاوشێوەی سەرجەم دامودەزگاکانی تری عێراق داوا لە وەزارەتی دارایی و ئابوری حکومەتی هەرێم کراوە لیستی خەرجی مووچەی فەرمانبەران مانگانە بۆ مانگی کانونی دووەم و مانگەکانی دواتر بدەنە فەرمانگەی ژمێریاری وەزارەت یان گەنجینەی پارێزگاکان بەمەبەستی تەمویلکردنی مووچە تا ئەوکاتەی خشتەی نوێی بودجەی ساڵی ٢٠٢٤ لە هەردوو ئەنجومەنی وەزیران و نوێنەران پەسەنددەکرێت.