وەزارەتى خوێندنى باڵاو توێژینەوەى زانستى هەرێم، ئەمشەو یەکشەممە لە ئاگادارییەکدا رایگەیاند" لە چوارچێوەى رێنماییەکاندا سێ پۆست لە زانکۆى پۆلیتەکنیکى هەولێر بۆ جارى دووەم رادەگەیەنین، هەر کەسێک ئارەزوى هەیە و مەرجەکانى تێدایە دەتوانێت لە ماوەى دیاریکراودا (C.V) و داواکارییەکەى پێشکەش بکات، تا ناوى لە لیستى خوازیاراندا تۆمار بکرێت". 

پۆستەکان:

1. یاریدەدەری سەرۆکی زانکۆ بۆ کاروباری قوتابیان و خوێندکاران.

2. راگرى کۆلێژى تەکنیکى ئەندازیارى.

3. راگرى پەیمانگەى تەکنیکى کۆیە.

مەرجەکان:

     یەکەم: مەرجەکان بۆ یاریدەدەری سەرۆکی زانکۆ بۆ کاروباری قوتابیان و خوێندکاران و پۆستى راگرى کۆلێژى تەکنیکى ئەندازیارى:

1. هەڵگرى بڕوانامەى دکتۆرا بێت.

2. نازناوى زانستى لە پڕۆفیسۆرى یاریدەدەر کەمتر نەبێت.

3. خزمەتى زانکۆیی لە 10 ساڵ کەمتر نەبێت.

     دووەم: مەرجەکان بۆ راگرى پەیمانگەى تەکنیکى کۆیە:

1. هەڵگرى بڕوانامەى ماستەر یان دکتۆرابێت و نازناوى زانستى لە (مامۆستا) کەمتر نەبێت.

2. خزمەتى زانکۆیی لە 10 ساڵ کەمتر نەبێت.

تێبینیەکان:

1- ئەو بەڕێزەى داواکاری پێشکەش دەکات باشترە دید و بۆچوون و بەرنامەى کاری خۆى پێشکەش بکات بۆ بەرەو پێشبردنى زانکۆ بۆ ئەو چوار ساڵەى کە پۆستەکەى وەردەگرێت.

2- زانینی زمانى ئینگلیزى و شارەزایی لە بەکارهێنانى تەکنەلۆجیاى بوارى خوێندن و فێرکردن و کارایی بڵاوکردنەوەى توێژینەوەى زانستى هەلى زیاتر بۆ پێشکەشکار دەڕەخسێنیت.

3- دواکات بۆ پێشکەشکردنى (C.V) و پوختەى راژە و یەکەمین فەرمانى بەدەستهێنانى نازناوى زانستى و لیستى ناو و ناونیشانى توێژینەوە زانستیە بڵاوکراوەکانی و کارتی نیشتیمانی یاخود ناسنامەى بارى شارستانی، کۆتایی دەوامی رێکەوتى (2024/2/21) رۆژى (چوارشەممە) دەبێت.

- پێویستە پوختەى راژەى لەلایەن سەرۆکایەتی زانکۆ پەسندکرابێت