دەرهێنەری ناسراو بڕوا تەها لە كارێكی نوێیدا كلیپی گۆرانی ئیمیلیا بڵاودەكاتەوە كە هونەرمەند گۆران نورییەوە وتویەتی.
بڕوا تەها لەڕێی تۆڕی كۆمەڵایەتی یوتوبەوە، كلیپی گۆرانی ئیمیلیا بڵاودەكاتەوە كە بەرهەمێكی نوێیە و خۆی كاری دەرهێنانی بۆ ئەنجامداوە و ماوەیەكی زۆرە ڕیكلامی زۆری بۆ دەكاتەوە بۆتە باسی گەرمی تۆڕە كۆمەڵایەتییەكان.
گۆرانی ئیمیلیا لە تێكستی هیوا ئەحمەد و ئاوازی ئەژدەر وەهبییە و هونەرمەند گۆران نوری وتویەتی، كلیپی گۆرانییەكەش لە فیلەندا وێنەگیراوە و چەند كەسێكی وەك ئەكتەر بەشداریان تێدا كردووە.
ئەو خانمەی لە كلیپەكەدا بەشداری سەرەكییە ناوی ئیمیلیایە و یەكێكە لە سەماكارە ناسراوەكانی فیلەندا، وەك ڕێزێكیش بۆ بەشداری كردنی كلیپەكەی بەناوی ئەوەوە ناونراوە.
ئەم كارە نوێیەی بڕوا دوای ماوەیەك دێت لە بڕیاری وازهێنان لە كاری هونەری و ئەنجامنەدانی هیچ كارێك، بەڵام دەواتر لە بڕیاڕەكەی پاشگەز دەبێتەوە و كلیپی ئیمیلیاش یەكەم بەرهەمێتی دوای دەستكردنەوە بە كاری هونەری.
هونەرمەند گۆران نوری لە كلیپەكەدا خۆی ڕوتدەكاتەوە و دەرهێنەی كلیپەكەش باس لەوە دەكات كە ئەوە كارە مەبەستێكی هونەری لە پشتە و بە هیچ جۆرێك دژی كلتوری كوردی نییە.