لە دارستانەکانی پێنجوێن سێ کەس زیاتر ٤ هەزار دەرخت دەبڕنەوەو دەسووتێن.

لە لێدوانێکی رۆژنامەوانیدا هێمن کەمەرخان وتەبێژی پۆلیسی دارستان و ژینگەی سلێمانی رایگەیاند"  ھێزەکانیان ئاگادار کراونەتەوە لە سنووری گوندەکانی بناوە سوتە و سەرنەوان، سێ کەس ژمارەیەکی زۆر لە درەختیان بڕیوەتەوە و ئاگریان تێبەرداوە.

وتبێژی پۆلیسی دارستان لە درێژەی لێدوانەکەیدا ئەوە دەخاتەڕوو، مەفرەزەیەک لە بەشی پۆلیسی دارستانی پێنجوێن گەیشتنە شوێنی ڕووداوەکە و دوای ھەوڵ و ماندووبوونێکی زۆر، توانیان ئاگرەکە بکوژێننەوە.

دوای ڕووداوەکە و ئامارکردنی زیانەکان، دەرکەوت ژمارەی درەختە بڕاو و سوتاوەکان نزیکەی چوار ھەزار دەبێ.

هێمن کەمەرخان باس لەوە دەکات فەرمانی دەستگیرکردن بۆ ئەنجامدەرانی تاوانەكە دەرچووە.

پێنجوێن بەیەکێک لەناوچە خۆش و گەشتیاریەکان کە چڕە دارستانێكی زۆری تێدایە.



ئه‌م بابه‌ته ‌658 جار خوێنراوه‌ته‌وه‌‌

PM:08:43:11/09/2019