د
کۆسرەت رەسوڵ عەلی سەرۆکی ئەنجومەنی سیاسی بالآی یەکێتی نیشتمانی کوردستان لەسەر هەڵبژاردنی لاهور شێخ جەنگی و بافڵ تاڵەبانی وەک هاوسەرۆکانی ئەنجومەنی سەرکردایەتی یەکێتی، دەڵێت " هیچ رێککەوتنێکی نهێنی و ژێربەژێرم نەکردووە".
دەقی روونکردنەوەکە
بەڕێزان ئەندامانی ئەنجومەنی سەركردایەتی
هەڤاڵان ئەندامانی ئەنجومەنی باڵای سیاسی
ئەندام و لایەنگرانی یەكێتی نیشتمانی كوردستان
جەماوەری خۆڕاگری كوردستان
لە دوێنێوە دەنگۆیەك بڵاوبۆتەوە گوایە هەڤاڵ كۆسرەت ڕەسول سەرۆكی ئەنجامی باڵای سیاسی و بەرژەوەندی یەكێتی ڕەزامەندبووە و ڕێككەوتنی نهێنی لەژوورە تاریكەكان ئەنجامداوە بۆ هەڵبژاردنی دوو هاوسەرۆك بۆ یەكێتی نیشتمانی كوردستان.
لێرەوە ڕایدەگەیەنین كە جەنابی كاك كۆسرەت هیچ ڕێككەوتنێكی نهێنی ئەنجام نەداوە و هەمیشە لەگەڵ تەبایی و یەكڕیزی نێوان هەڤاڵانی یەكێتی نیشتمانی كوردستانەو ڕای وایە ئەمڕۆو ئایندەی یەكێتی پێویستی بە هەموو هەڤاڵانەو دەبێ هەموو پێكەوە كاربكەن بۆ سەرخستنی یەكێتی و خزمەتكردنی هاووڵاتیانی كوردستان.
نووسینگەی ڕۆژنامەوانی
كۆسرەت ڕەسول عەلی