تەندروستی كەركوك ئەمڕۆ گیان لەدەستدانی حەوت تووشبووی تری لە پارێزگاکە ڕاگەیاند.
به‌ڕێوه‌به‌رایەتی گشتی ته‌ندروستی كه‌ركوك ڕاگەیەندراوێکی نوێی لەبارەی پەتایی کۆرۆنا بڵاوکردەوە و رایگەیاند" له ماوه‌ی ٢٤ كاتژمێری رابردوودا ٩٦ تووشبووی نوێی ڤایرۆسی كۆرۆنا تۆماركراوه".
ڕاشیگەیاندووە" هەر لەو ماوەیەدا حەوت کەس بەهۆی پەتای کۆرۆنا گیانیان لەدەستداوە و ٩١ هاوڵاتی دیکەش کە هەڵگری پەتاکە بوون چاکبوونەوەو ڤایرۆسەکەیان تێپەڕاندووە".
تا ئێستا كۆی تووشبووان لە پارێزگای کەرکوک گەیشتوەتە هەشت هەزار و ٣١٤ حاڵەت و ٣٦٦ حاڵەتی گیان لەدەستدان بە كۆرۆنا لە سنوری پارێزگاکە تۆماركراون، لە ئێستاشدا چوار هەزارو ٩١١ هاوڵاتی چاکبونەتەوە.