بکوژی ماریا ؛ مام و براکەی نەبوو،  بەڵکو بکوژی ڕاستەقینە؛ دابونەریتی کۆنەپارێزیی و  چەقبەستوویی بیروباوەڕی پێشینەخوازیی  بوو، مام و برا؛ برازا و خوشکیان  کردە قوربانی ترس و شەرم  لە کۆمەڵگە !

ئەگەر هەندێک پێیان وابێت؛ کێشەیەک هەبێت لە ڕەفتارەکانی ماریادا؛ ئەوا  چارەسەر بە تیرۆرکردن نابێت، ئەگەر بە دوای هۆکار و پاڵنەری دروستبوونی ڕەفتار و ڕوانین و جیهانبینیی و بیرکردنەوە جیاوازەکانی مرۆڤدا بگەڕێین بە ماریای تیرۆرکراویشەوە؛ مرۆڤەکان و خودی ماریا هۆکاری سەرەکی نین بۆ دروستبوونی جیاوازیی و ناکۆکی و ململانێی بیر و لێکدانەوە و جیهانبینی نێوان مرۆڤەکان لەسەر مۆدێل و  ڕیتمی ژیانکردن و رەفتارکردن ، بەڵکو  فاکتەری پەروەردە و هۆشیاری و کەلتووریی خێزان و کۆمەڵگە و ژینگەی کۆمەڵایەتیی تاکەکان و سیستەمی پەروەردە و خوێندن و ئایدیۆلۆژیا و ئایین و یاسا و  میدیا و  دەسەڵات و ڕووداوەکان و قەیرانەکان و ڕەوش و کێشە و ناکۆکیەکانی ناو خێزان و  …هتد ؛ هۆکاری ڕیشەیی و  سەرەکین بۆ دروستکردنی کەسایەتی و بەرهەمهێنان و خوڵقاندنی بیکردنەوە و  جیهانبینیی و ڕەفتاری جیاوازی مرۆڤەکان  !